無昨晚於將軍澳電視廣播城舉行大型慈善籌款晚會，林保怡、容祖兒與陳奕迅等於中午出席拜神儀式，林保怡獻唱《火舞黃沙》主題曲，緊張地不停綵排。他透露有信心《火》劇的收視會繼續上升，還大爆今個星期之劇情，他與蔡少芬都變成好人，不用再畀觀眾鬧。
劇中佘詩曼主唱之片尾曲反應好，令大碟《女兒紅》大賣，對此保怡說：「我知，賣一萬張嘛，如果再出《男人魅》，要追呢個target（目標）。」不過當提到胡杏兒與廖碧兒被無製作資源副總監樂易玲點名爭取出個人大碟時，保怡充滿醋意，反應甚大地說：「做乜『撩』我呀，係呀，我好妒忌呀！我十年前已經出碟啦！」
陳奕迅窒祖兒講廢話 此外，容祖兒碰上前輩潘迪華時傾兩句，站在身旁之陳奕迅突然叫潘迪華：「你唔好聽佢講廢話。」搞到祖兒尷尬地擰轉面。由於她喉嚨痛昨日不停啜住媽咪所煲之竹蔗水，對於劉家昌在西營盤買了一條「音樂街」，祖兒說：「嘩，乜咁犀利呀，人買樓，佢就買成條街，仲唔係為投資牟利，用培育音樂人才，好有意思，咁大投資，好似玩緊『大富翁』咁。」
（右起）陳小春、許志安、容祖兒、陳奕迅與林保怡演出慈善騷。